Codices Latini medii aevi Bibliothecae Universitatis Budapestinensis (Budapest, 1961)
CODICES LATINI MEDII AEVI BIBLIOTHECAE UNIVERSITATIS BUDAPESTI NENSIS quoa recensuit LADISLAUS MEZEY Signa chartarum descripta per AGNETEM BOLGÁR Descriptio codicum Latinorum Bibliothecae Universitatis Budapestinensis, quae in praesenti volumine typis vulgatur, fines multiplices prae oculis habet. Numerus etenim codicum magnus non est, non tamen ideo minoris censeatur momenti. Notum est, quam gravibus et multis historiae vicissitudinibus partes Europae Centroorientalis, et maxime Hungária elapsis saeculis vastatae fuissent. Hinc satis exigua copia monumentorum historiographis inservientium. Iam vero Bibliotheca Universitatis Budapestinensis, in suo non magno delectu codicum, maiorem partem numerat ex eis, qui in Hungária medii aevi, finitimisque regionibus olim conscripti, civilitati, artibus, litteris evolvendis in his partibus potissime — certe cum plurimis aliis, iam in aevum deperditis — proderant. Descripta ergo haec erant manuscripta tali cura, ut opera hucusque anonyma vel pseudonyma, in quantum possibilitates permiserant, in minimam partem redigantur, omnia vero, quae ulteriores investigationes iuvare possunt, particulares circa codices notiones utiliter recensitae, inventu faci-