Radó Polikárp: Libri liturgici manuscripti bibliothecarum Hungariae et limitropharum regionum quos recensuit Policarpus Radó (Budapest, 1973)
POLYCARPUS RADO Libri liturgici manuscripti bibliothecarum Hungáriáé et limitropharum regionum Opus clarissimi auctoris hic nuntiatum documenta adhuc in annis belli 1939—45 collecta continet. Quo consilio quave methodo liber iste conscriptus fuisset, iam e prima parte eiusdem a. 1947 publici iuris facta peritis in disciplinis medium aevum elucubrandis et notatum et laudatum est. In hoc volumine tantum libri ad missam pertinentes describuntur, ast desiderium, ut libri ad officium et ritus diversos, et illi ad usum chori servientes, quam citius sequerentur, relinquebat. Re quidem vera in quinque lustris abinde elapsis, fontes sic dicti liturgici omnibus qui historiae, rei litterariae, iuris, civilitatis, artium ut aiunt pulchriorum, nec ultimo loco musicae operam navant, maioris momenti effecti sunt. Quibus perpensis Aedes Academiae Hungaricae integrum iam prof. P. Radó opus edendum decreverunt, revidendi et vel leviora addendi munus prof. L. Mezey, qui Commissioni Academiae pro Historia Libri praesidet, demandarunt. Hisce adiunctis praesens volumen typis mandatum exstitit, tres principaliores partes exhibens: I. Libri ad officium missae, II. Libri ad officium extra missam, 111. Libri chorales seu cantus. Akadémiai Kiadó Budapest