Missae tempore Congressus Eucharistic Internationalis XXXIV. Budapestinensis secundum Missale Romanum necnon directorium archidioeceseos strigoniensis (Budapest, 1938)
2 Collectae ab Ordinario imperatae. 1. Pro Papa. Oratio. Deus, omnium fidelium pastor et rector, fámulum tuum N., quem pastorem Ecclésiae tuae praeésse voluisti, propitius réspice: da ei, quaésumus,verbo et exémplo, quibus praeest, proficere; ut ad vitam, una cum grege sibi crédito, pervéniat sempitérnam. Per Dóminum. Secreta. Oblátis, quaésumus, Domine, placáre muneribus: et fámulum tuum N., quem pastórem Ecclésiae tuae praeésse voluisti, assidua protectione gubérna. Per Dominum. Postcommunio. Haec nos, quaésumus, Domine, divini sacraménti percéptio protegat: et fámulum tuum N., quem pastórem Ecclésiae tuae praeésse voluisti; una cum commisso sibi grege, salvet semper et muniat. Per Dóminum. 2. Contra persecutores et male agentes. Oratio. Hostium nostrorum, quaésumus Domine, elide supérbiam: et eórum contumáciam déxterae tuae virtúte prostérne. Per Dóminum. Secreta. Hujus, Domine, virtúte mystérii, et a própriis mundémur occultis, et ab inimicorum liberémur insidiis. Per Dóminum. P őst communio. Protéctor noster áspice, Deus, et ab inimicorum nos defénde periculis : ut, omni perturbatione submóta, liberis tibi méntibus serviámus. Per Dóminum. Praefationes. Praefatio Paschalis. Vere dignum et justum est, aequum et salutáre: Te quidem, Domine, ómni témpore, sed in hoc potissimum gloriosius praedicáre, cum Pascha nostrum immolátus est Christus. Ipse enim verus est Agnus, qui ábstulit peccáta mundi. Qui mortem nostram moriéndo destruxit et vitam resurgéndo reparávit. Et ideo cum Angelis et Archángelis, cum Thronis, et Dominationibus, cumque omni militia caeléstis exércitus, hymnum glóriáé tuae cánimus, sine fine dicéntes: Praefatio de Ascensione Domini. Vere dignum et justum est, aequum et salutáre, nos tibi semper et ubique grátias ágere: Domine sancte, Pater omnipotens, aetérne Deus: per Christum, Dóminum nostrum. Qui post resurrectionem suam omnibus discipulis suis maniféstus appáruit et, ipsis cernéntibus, est elevátus in caelum, ut nos Divinitátis suae tribueret esse participes. Et ideo cum Thronis, et Dominationibus, cumque omni militia caeléstis exércitus, hymnum glóriáé tuae cánimus, sine fine dicéntes: .anctus, Sanctus, Sanctus Dominus, Deus Sábaoth. Pleni sunt caeli et terra glória tua. Hosánna in excélsis. Benedictus, qui venit in nomine Dómini. Hosánna in excélsis.